စည်းကမ်းဖောက်သည့် ယာဉ်မောင်းနှင့် ယာဉ်နောက်လိုက် ၁၇၄ဦး ယာဉ်လိုင်းမှ ရာသက်ပန် ထုတ်ပယ်
By TZO

ရန်ကုန်တိုင်းဒေသကြီးအတွင်း စည်းကမ်းဖောက်ပျက်သည့် ခရီးသည် တင်ယာဉ်မောင်းနှင့် ယာဉ်နောက်လိုက်များကို သက်ဆိုင်ရာ ယာဉ်လိုင်းများမှ ရာသက်ပန် ထုတ်ပယ်ခဲ့ကြောင်း မ.ထ.သ (ဗဟို)မှ ဥက္ကဌဖြစ်သူ ဦးလှအောင်က စက်တင်ဘာ ၅ရက်နေ့ နံနက်ပိုင်းတွင် ပြောကြားသည်ဟု သိရသည်။
ယာဉ်မောင်းနှင့် ယာဉ်လုပ်သားများကို ထုတ်ပယ်သည့် အရေးယူမှုတွင် ယာဉ်တိုက်မှုနှင့် ယာဉ်တိမ်းမှောက်မှု ဖြစ်ပွားခဲ့သော ယာဉ်မောင်းနှင့် ယာဉ်နောက်လိုက်တွေ၊ ယာဉ်တိုက်မှုကြောင့် တရားရင်ဆိုင်နေရသူတွေနဲ့ စည်းကမ်းမဲ့မောင်းနှင် နေတာတွေ့လို့ စစ်ဆေးပြီး ဒဏ်ငွေရိုက်ပေမယ့် ဒဏ်ငွေကို လာမဆောင်တဲ့ ယာဉ်မောင်း၊ ယာဉ်နောက်လိုက် စုစုပေါင်း ၁၇၄ဦးကို ယာဉ်လိုင်းအသီးသီးကနေ ထုတ်ပယ်လိုက်ပါပြီး”ဟု စက်တင်ဘာ ၅ရက် နံနက်ပိုင်းက မ.ထ.သ (ဗဟို) စည်းကမ်းထိန်းသိမ်းရေး ဌာနမှ တာ၀န်ရှိယူ ဦးမြင့်ဦးက ပြောကြားခဲ့သည်။
အရေးယူခဲ့သည့် ဦးရေမှာ ၂၀၁၃ခုနှစ်၊ ဇန်နဝါရီတွင် ၃၈ဦး၊ ဖေဖော်ဝါရီတွင် ၁၃ဦး၊ မတ်တွင် ၂၂ဦး၊ ဧပြီတွင် ၁၃ဦး၊ မေတွင် ၁၂ဦး၊ ဇွန်တွင် ၃၇ဦး၊ ဇူလိုင်တွင် ၂၂ဦးနှင့် သြဂုတ်တွင် ၁၇ဦးဖြစ်ကြောင်း သိရသည်။ ၂၀၁၃ခုနှစ်အတွင်း ထုတ်ပယ်ခဲ့သည့် ယာဉ်မောင်းနှင့် ယာဉ်နောက်လိုက်များမှာ မ.ထ.သ (မြို့တွင်း) ယာဉ်လိုင်းမှ ၁၂၂ဦး၊ ဗန္ဓုလ (ပါရမီ) ယာဉ်လိုင်းမှ ၁၅ဦး၊ အရှေ့ပိုင်းခရိုင် ယာဉ်လိုင်းမှ ၂ဦး၊ အနောက်ပိုင်းခရိုင် ယာဉ်လိုင်းမှ ၁၀ဦး၊ မြောက်ပိုင်းခရိုင် ယာဉ်လိုင်းမှ ၆ဦး၊ သန်မြန်သူ ယာဉ်လိုင်းမှ ၁၁ဦး၊ စစ်မူထမ်း (အတွင်း) ယာဉ်လိုင်းမှ ၂ဦး၊ ရွေဧည့်သည်ယာဉ်လိုင်းမှ ၃ဦး၊ ရွေအင်း၀ ယာဉ်လိုင်းမှ ၃ဦးတို့ဖြစ်ကြောင်း သိရပါသည်။
Originally published by Myanmar ICT · Preserved 23 October 2026 · About this archive
