MYANMAR'S TECHNOLOGY JOURNAL · THE HISTORICAL COLLECTIONPRINT & DIGITAL · PRESERVED ONLINE
Original Myanmar ICT Journal sealMYANMAR ICTTHE JOURNAL & WEB ARCHIVE
ORIGINAL PAGES.
ENDURING STORIES.A historical archive. No new journal issues.
← Back to articles
Articles · 2014-03-24

မီးချောင်းသားရေဖြင့် ချုပ်လုပ်ထားသည့် iPhone Bumper ကို ဒေါ်လာ (၁၀, ၀၀၀) ဖြင့်ရောင်းချ

By Thu Ya

Archived article. This text reflects its original publication date; products, links and information may have changed.
မီးချောင်းသားရေဖြင့် ချုပ်လုပ်ထားသည့် iPhone Bumper ကို ဒေါ်လာ (၁၀, ၀၀၀) ဖြင့်ရောင်းချ

Gresso က iPhone 5 နဲ့ iPhone 5S တို့အတွက် တန်ဖိုးအမြင့်ဆုံး Accessory များကို ဒေါ်လာ (၁,၀၀၀) နဲ့ (၁၀,၀၀၀) ကြားမှာ ထုတ်လုပ်ရောင်းချပေးနေပါတယ်။

အခုတခါကတော့ iPhone ရဲ့ Phone Case တစ်ခုဖြစ်ပြီးတော့ 18K ရွှေ ထည့်သွင်းထားပါတယ်။ Grade 5 Titanium ကိုယ်ထည် အခွံကိုလည်း ထည့်သွင်းပြုလုပ်ထားပါတယ်။ အဲ့ဒီအတွက် စတိုင်ကျလှပမှာဖြစ်ပြီးတော့ ဖုန်းကို ထိရောက်စွာ ကာကွယ်ပေးနိုင်မှာ ဖြစ်ပါတယ်။

Gresso Titanium Bumper မှာ တစ်ချက်လှုပ်ရှားတာနဲ့ ဖုန်းကို Lock, Unlock ပြုလုပ်နိုင်တဲ့ Magnetic Lock System ပါရှိလာ ပါတယ်။ အဆိုပါ Titanium Bumper ဟာ iPhone 5 နဲ့ iPhone 5S ကို အလွန်ထိရောက်စွာ ကာကွယ်ပေးနိုင်မှာ ဖြစ်ပါတယ်။ ဒါ့အပြင် ခလုတ်တွေ နဲ့ Port တွေကိုလည်း ပိတ်ဆို့ကာဆီးထားခြင်းမရှိဘဲ အလွယ်တကူအသုံးပြုနိုင်မှာ ဖြစ်ပါတယ်။

Titanium Bumper Case တစ်ခုကို ပြုလုပ်ဖို့ အချိန် ၈ နာရီကြာတယ်လို့ သိရပါတယ်။ ဒါ့အပြင် Bumper ကို အချောသတ်ပြုလုပ်ဖို့ ကိုလည်း အချိန် ၄ နာရီကြာပါတယ်။ Gresso က သူ့တို့ရဲ့ နည်းပညာဟာ ဖုန်း Case ကို လေးလံခြင်းမရှိဘဲ ပေါ့ပါးစေမှာ ဖြစ်တယ်လို့ ပြောပါတယ်။ အဆိုပါ Bumper Case အသစ်ဟာ ၂၀၁၂ ခုနှစ်မှာ iPhone 5S အတွက် ထုတ်လုပ်ပေးထားတဲ့ Bumper ထက် ပိုပြီး တိုးတက်ကောင်းမွန်လာပါတယ်။

Gresso က သူ့ရဲ့ Website မှာ Bumper တစ်ခုချင်းစီအတွက် ဈေးနှုန်းကို ဖော်ပြထားခြင်းမရှိသေးသော်လည်း ဒေါ်လာ( ၁၀,၀၀၀) တန် Bumper ကို ရောင်းချပေးမယ်လို့တော့ သိရပါတယ်။


Originally published by Myanmar ICT · Preserved 23 October 2026 · About this archive